ليا شفت خطو الظول بالك تعسه=إن فارقك شر المخاليق خله
ولو عندنا من غيب الايام رسه=الآدمي مصلوح نفسه يدله
الشاعر محمد بن مهلهل بن شعلان
تخير من اجناسك نديم توده=وثيق عميقٍ يفهم العلم عرافي
يحتمل زلاتك ويبصرك ما خفا=للقلب دربيل للابعاد كشافي
الشاعر/محمد العبدالله القاضي
أضرب على الكايد اليا صرت بحلان=وعند الولي وصل الرشا وأنقطاعة
عيب(ن)على اللي يتقي عقب مابان=وعيب(ن)طمان النفس عقب ارتفاعه
الشاعر/عبيد العلي الرشيد
لعل قصر(ن) مالفيه ظلالي=ينهار من عالي مبانيه للساس
ليا خاب ظنك بالرفيق الموالي=مالك مشاريه على باقي الناس
الامير محمد الاحمد السديري
ولكم خالص تحياتي
:( :(