ارجع ورى يا صاحب الكذب والزور
ارجع ورى .. هذي العبـاره كفايـه
ارجع ورى حظك عثـور ومكسـور
من شين حظك عثرك فـي البدايـه
ارجع ورى ما لك ممـرات وعبـور
للديره اللـي تحـت ظـل الحمايـه
تحمل نوايا الخبـث وتلـف وتـدور
وتظـن مـا عنـدي بهـذا درايـه
مدحور يـا راع الدعايـات مدحـور
تموت مـا حققـت بالخبـث غايـه
أقولها من فكـر يستـدرك الشـور
تسديدة فـي قلـب راعـي الغوايـه
((بنت الشمال)) محطمة كل مغـرور
اعتـز بالله ثـم باصـل وكنـايـه
بيت الشرف بيتي على العز معمـور
في جـال قـوم يحكمـون الولايـه
افخر بطيب اصلي على كل منظـور
اصلي شمالي لـه مسمـى ورايـه
ينساب حرف الشعر والفخر لـه دور
والشعر معنـي بالهـدف والرمايـه
هذي رساله تجعـل الظـن مثبـور
وتمـد للجـاهـل دروس وقـرايـه
يا جاهل اعقل وش يحدك على الجور
اعرف حدودك يـا عديـم الرعايـه
صبرت وأعطيت الخطأ عذر ومـرور
وعند القدا من حقي انهي الحكايـه
انا من اصلي مـا اتغيـر ولا ابـور
غبر الزوابـع مـا تلـوث سمايـه
على التقى والطهر لي شأن وحضور
ادرك مسيري فـي طريـق الهدايـه
هنا الشعر وهنا الشاعره المتمكنه
كلمات تصل الشعور بالسهوله والسرعه الفايقه
هنا صراحه تصعب على متذوق الشعر ان يكتب صح لسانك
امام هالدره الشامخه بقلم بنت الشمال المهره الاصيله
بنت الحرار بيض الله وجهك رفعتي قيمة الشعر عن الهفوات
لك كل الود ومثل ماقال العمده علي الحرام لو فيه وقت لا جاريها
لك احترامي