[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الايا الله ياللي لابغيت يكون شئٍِ كان= ياوال الكون ياللي في يدك حكمه وتدبيرة
تمشيني على درب الصواب وتخزي الشيطان=لحيث اني بشر مهما اجتهد تخفاني الخيرة
معرض للخطا ومعرضٍ الزود والنقصان=اذا ما انجيتني يا رب ماني رايحٍ ديرة
وترحم من ما يشكي حالته لفلان هو و فلان=ولا يعرف خفاه اللي مولمةٍ معاذيرة
قوي الباس لا منه برك للحمل مهما كان=يشل الحمل لا منه بركله بركت بعيرة
سديد الراي يفهم سيرة المدل والغلطان=ليا منه بحل راع المشورة في مشاويرة
خزام الماص الاشقر ما دخلة القط و الكتان=وسيرة في ميادين الزمن يازينها سيرة
الا يا وجد حالي وجد من شيب بلا ورعان=قضى معضم حياتة بين حجز وبين تأشيرة
بليس العود شافة قال ما يحتاج فيه عنان=تبسم يوم شافة شايبٍ سودٍ تقاريرة
لا كان انه بعد ما صار عود يطلب الغفران=يقول ليا تذكر ما مضى له يالله الخيرة
وحيد وسط بيته كل وقتة ضايقٍ زعلان=ما بين قياس ضغط وسكري عوجٍ مساميرة
ليا منه بغى ينسى تسمع لجة الجيران=طلع بالحوش حاير شغلته يمسح مناظيرة
قصر شوفة ووضعة مختلف ما هو مثل ما كان=اسير اقشر نظام استيسرة يا صعب تحريرة
هذا وجده و وجدي شوفتك يا سعود ابن سلمان=ومجلاسٍ معك بالمجلس اللي صاطعٍ نيرة
ونا من ما بقلبي قلت فيك الشعر والالحان=ولخوك الشعر تشهد مفرداته مع جماهيرة
إذا ما سقت جزلات القوافي فيك يا ذيبان=عليْة يحرم اللي ينقش الحنى بظافيرة
حرام اني لاسوق القاف بالمعنى وبالاوزان=وعبر عن شعوري والقلم ما خان تعبيرة
ونا ماني معارض سنة الخلاق بالانسان=لاكان شعور للي ثابتٍ بالقلب تقديرة
عسى اللي رد يوسف بعد ما كادو له الاخوان=على يعقوب وبصر بعد ما جفت نواظيرة
وامر موسى بضرب البحر واغرق قايد الطغيان=عظيمٍ قدرتة ما يمتلكها واحدٍ غيرة
يبدل كل سيئة لبو عبدالله بالاحسان=يا ربي ترحمة في رحمتك يا رب وتجيرة
الا يا غافل اصحى ونتبة من ميلة الميزان=بيوم للنتايج يذهل المرضع طوابيرة
ترى الدنيا جميلة تسحرك في خدها الفتان=وكذوبٍ هرجها لو شفت برهانة وتبريرة
تسمع ما تقولة بس لا ترخي لها الاذان=ترها عنك تنطح غايرة وتجيك بمغيرة
لكن احسب حسابك في نهارٍ واقفٍ عريان=امامك ما فعلت ولا معك لفة وتدويرة [/POEM]
محمد سلمان الوهيداني