هاوي شعر =
سلام يالمنتدى الشامـخ وروس الرجـال=من هاجسن غير كلامـت حـق ماقالهـا
شفنا جبل يالمحيط وصـار خلفـه جبـال=والنـاس تتعـب وفـال الله ولـى فالهـا
المحيط الهادي=
يامرحبا عـد مالاحـت بـروق الخيـال=بالصاحب اللي علـوم الطيـب يسعالهـا
ياصاحبـي مايجـود الا كريـم السبـال=بعـض العـرب لاتصاحبهـا وتبرالهـا
هاوي شعر=
دام البقـاء ياصحيبـي والليالـي طـوال=والطيبـه طيبـه مـن طيـب منزالـهـا
اهـم شـي الاودام يكسـبـون الـريـال=بـاي طريقـه وحنـا مالنـا ومالـهـا
المحيط الهادي=
نعيش فالواقع اللي صـار مثـل الخيـال=كيف الذيابة مـع أهـل الضيـن مقيالهـا
هـذا كـلام علـى العاقـل قـراح زلال=ياحـي كلمـة عزيـز حـط معدالـهـا
هاوي شعر=
الحقد والحسـد يبقـى بالنفـوس الهـزال=ويحاسب النـاس رب البيـت باعمالهـا
مع اكثر النـاس والله لاقطـع الاتصـال=واهل الجهـل تتصـل وادبـل ارسالهـا
المحيط الهادي=
بعض العرب من حسدها عاقبتها الـزوال=يأكـل حسناتـهـا ويـدمـر أموالـهـا
وفطن على الشايب اللي راح يوصي العيال=والنـاس شيبانهـا مــدارس أعيالـهـا
هاوي شعر=
والميل ياصاحبي معروف غيـر العـدال=ون مالت النـاس مانـي تابـع اقوالهـا
يمكن عشان العمامـه ياعـرب والعقـال=ولـى الاودام ترانـا نعـرف احوالـهـا
المحيط الهادي=
ياهاوي الشعر سال المنتـى منـك سـال=سحابتـك سبلـت والخـيـر همالـهـا
ظلمت نفسـك وباسميـك سيـف العـدال=يوم اهل الصين ضمـت صـدر تمثالهـا