محاورة قوية بيت شاعر الشمال ونشمي
الرشيدي
عشاق المحاوره أهديكم هذا الأبداع لشاعرين لهم وزنهم بساحة القلطه
شهد لهم الكثير وخلدو اجمل المحاورات
ومن هذا المنبر الشامخ مرقاب الأبداع والأنصاف اقول انني وبكل صراحه متحيز
مع المبدع وابحث عن الأبداع بعيداً عن العنصره القبائليه لذا
اليكم اروع المحاورات للشاعرين :
الشاعر الكبير : فهد الدبيسي
والشاعر المتمكن : نشمي الرشيدي
________________________________
نشمي الرشيدي
الدبيسي ضحك من شاربه مرتين
بعـــد ماشابة اللحيه واشانيبــها
مرتن في تبوك ومــرتن وين وين
خلها تسري الطرقه ونسري بها
فهد الدبيسي
الرشيدي زعل من ماقفه ساعتين
نزل المشلح اللي فايحــــاً طيبها
وين مارحت دربي بالبسيطه يمين
أصل الجوهره بالعمق واجيبـــها
الرشيدي
الله انه على بعض الطواري يعـين
والدعيه تبي قاضي يداعــــــيبها
ادري انك رجل محتاط دنيا ودين
وعلم أن الصقور أدمت مـخاليبها
الدبيسي
قربت الساعه اللي شاب منها الجنين
وأنت تبغى الدير تصفاء مشاريبــهـا
قبر يونس عليه اليوم ينداء الجــــبين
بين ناس المـــساجد ماتصــــــليبها
الرشيدي
خل عقلك رزين وخــــــل ضلعك متين
لين تلقى الحصاه اللي تعـــــــــديبها
مع لحون الحزن لحن الحمامه حزين
كتب بيروت ماتفيدك ياقاريبـــــــها
الدبيسي
الذبيحه صغيره والضــــيوف اربعين
وأنا حساس وخشى من عواقيبها
لو تحرر بلاد القـــــــدس والرافدين
مابكينا الضيوف ولا مــــــعازيبها
الرشيدي
العــــــدو المــــبين والعــــــدو المبين
اطــــــرد ابليس عــــنها قبل يغديبها
أعلم أنك غني لصار مــــــعك القرين
عشرة الأنس قشرى وش تسويبها
الدبيسي
كان جف الثرى عن شجرة الياسمين
يمـــــكن تشوفها عينك ماتدري بها
ابو نيه بلــــش في راعــــــي النيتين
والبدو كلها تومـــــي مشاعيــــــبها
الرشيدي
الجزيره صحاري قاحله من ســنين
بدوها تقــــطع الغابه ماتمسي بها
ناضج الفكر ماله فالـجزيره وزين
حافظٍ قبلته ومــــــــــخاويٍ ذيبها
الدبيسي
قالو اكرم مدينه قلت من شان عين
عين ترمي على الأهداف وتصيبها
الذكاء والبلاغه والكلام الثـــــمين
باقيه والليالي ما علم غيبــــــــها