الشعر شاهد والرجاجيل تقراه = وماهي بلحية قاري الا الشعر صم
وفعل الرجال يخّلد الشعر ذكراه= والطيب فيه المدح والا الردى الذم
وبني رشيد العز والطيب والجاه = اكرام النفوس اقلهم كلمته سم
من كل فج جموع عبس المسماه = ومن كل ديره والاسم واحد ولم
اخوان دنيا ودين والاصل نقداه = من شرق صحراء نجد حتى اخر اليم
اسم الرشيدي وين مارحت تلقاه = في كل دوله للرشيدي ابن عم
عرق الحميا للرشيدي من اقصاه = ان كان ماتجري حميّاه بالدم
واخص مبروك الرشيدي وشرواه = وربوعه اللي شوفهم يجلي الهم
رجل ٍ على عز وكرامه عرفناه = صاحب قرار ومصدر القوه الضم
من سمعته كل النشامى تمناه = وهذا هو الفارق من عيال ادم
واهلا بكم في حفل من مد يمناه = مبارك فهد على الدويله ومن ثم
زعيم كل العز يارد على ماه = هداج تيما وش هو عند زمزم
وفايز على يمناه لا لا عدمناه = الراي واحد والمزارق على تم
روح التكاتف بالمدى اقصاه وادناه = اثنين لكن عز الكيف والكم
واكبر دليل الجمع هذا بمعناه = شوف الجماعه واللقا والفرح جم
وهنا تجمعنا بدار المساواه = ارض الكويت الاخت .. لا والله الام