[العريض]

تدرين لو كـان الغـلا جـرم وذنـوب=كـان أهْلَـكَ الله خافقـي مـن ذنوبـه
ولو كان بك مليـون علّـه وعـذروب=فانت الوحيد اللـي حلـت لـي عيوبـه
قتلتنـي بالعشـق يـازاهـي الـثـوب=قتلتنـي واخشـى علـيـك العقـوبـه
يوم الغلا يوخذ علـى النـوب والنـوب=وش بك خذيت مـن الغـلا كـلّ نوبـه
ارفـق بحالـي يابعـد كـلّ محـبـوب=ارفق تـرى نفسـي عليـك محَسوبَـه
وشلون أبسلى عـن محبّتـك وآتـوب=قلّ لـي وبعلنهـا مـن العشـق توبـه
انا ادري ان القلـب ماهـوب مغصـوب=والنفس ماترخـص ولاهـي مغَصُوبَـه
لكـن حنانـك ذوّب قلـوب وقـلـوب=وذوّقتني بحـر الهـوى مـن عذوبـه

الموضوع الأصلي: **تدرين لو كـان الغـلا جـرم وذنـوب** | | الكاتب: العريض | | المصدر: شبكة بني عبس