[شاعر المعنى]

السلام عليكم ورحمة الله وبركاته
محاورة قمة قمة قمة بكل ماتحمله الكلمة من معنى ، قوة الأبيات ومعانيها والفتل والنقض ،،وسيكون لكم نفس الرأي عندما تقرأونها كاملة
..
..
العصيمي:

ياسلام الله سلام احلـى مـن البرحيـه

من نخيل اهل المدينه والنخيل الثاني

يالسناني ياصحيب السـاده الصوفيـه

ليتهم يوم انشدوني كان اقول سناني

السناني:

مرحبا ترحيب احلى مـن لبـن منقيـه

ساسها معروف من منقية الشيبانـي

يالعصيمي ياعميل الروس والشيعية

لا توهقني على وضعك يـزل لسانـي

العصيمي:

لاتسوي حسنة وتحـط معهـا سيـه

لاجل لادورتنـي ياصاحبـي تلقانـي

شرهة التاجر على الدولار والربية

يشتري ويبيع فامريكا وفاليونانـي

السناني:

لاتواخذنـي لاجـات اللمسـة الفنيـة

الشباب مولعة في شيبة الرحماني

التجار ليا عطوك الشور والحريـة

يصرف الدولار فامريكا وفالياباني

العصيمي:

خلها عقب رمضان وعقب عيـد ضحيـة

عندكم وش يفرق المسلم عن النصراني

الشـبـاب عقولـهـم ياصـاحـبـي عـاريــه

ماعقلهـا غيـر شايـب وانشـد الشيبانـي

السناني:

نفرقـه بسلومـنـا واحكامـنـا الشرعـيـه

وانت فيك خلاف من برى ومن دخلاني

لاتـغـش المجتـمـع بافـكـارك الرجـعـيـه

خلهـا مـابـن ابــن عتـقـان والزهـرانـي

العصيمي:

لو تبيع وتشتري بالبورصه الدوليه

مانت جايب خير للريض وللعجلاني

يامحمـد يامحمـد لـو صبـرت شويـه

كان اخير من علـوم مالهـا برهانـي

السناني:

خاتم سحري جديد وجوهـره سحريـه

مار مايمكن ماتعيض بخاتم سليماني

اعتبرنـي ماكشفـت اخبـارك السـريـه

مـار اقــول الله يعافيـكـم ولا يبـلانـي

العصيمي:

والله انـي ماكشفـت الحاجـه المخفـيـه

انتـه اللـي سابـح فـي عالـم النسيانـي

الـعـرب قـالـوا محـمـد ريــس المالـيـه

واصبح الريس يبيع اللولو والمرجاني

السناني:

وضع الإنسي لو رضع له مع ولد جنيه

كـل ابوهـم يشتكـون الظلـم والحرمانـي

اعطهـم موعـد علـى الجمعيـه الخيريـه

وافـتــح البـيـبـان ولا قـفــل البـيـبـانـي

العصيمي:

الرسـالـه فالـبـريـد حـروفـهـا مـقـريـه

قبـل لاتكتـب كتابـك وضــح العنـوانـي

السمـا هـذه سمانـا وارضنـا مرضـيـه

والبعير بعير ابويه والحصان حصاني

السناني:

شي مايخفا على الرعيـان والراعيـه

وانت وش دخلك بين النار والدخاني

السمـا ماتاصلـه وأم القـرى محمـيـه

مـالـك الا غـيـر ماخلـولـك الـجـدانـي

العصيمي:

وش بدالك من خبر فالنشرة الجويه

خيـر ولا شـر والله يرحـم الانسانـي

..
..
دمتم بود

:::
منقووووووووووول

الموضوع الأصلي: محمد السناني ومستور العصيمي::شرهة التاجر على الدولار والربية | | الكاتب: شاعر المعنى | | المصدر: شبكة بني عبس