أخوي محمد بن معيوف؟
يسعد صباحك.
أولا:أشكرك على الإهداء...
ثانيا:القصيدة تحمل عدة مواضيع متداخلة في بعضها....ستقراء مرئياتي حول القصيدة في ما بعد...وبما إني أول مرة أتعرض لقصائدك أتمنى أن تكون ردة فعلك إيجابية...وأن يتسع صدرك لما أقول:
(يامنتهى صبر السجين اللي قريب من الأمال = ياعصف ذهن الفيلسوف اللي على وقته وطا)
لن يكون لصبر السجين نهاية عندما يكون قريباً من الأمال.
العصف:هو قصعة الطعام والتي ضرب الله بها المثل في تشبية أصحاب الفيل في قوله تعالى <فجعلهم كعصفٍ مأكول>...بينما الظاهر لي إنك تريد العاصف الذي يعصف بالذهن وجمعه العواصيف.
(اقرب تعال أبيك بالموضوع فصله واتصال = أنا غزيت الفرس وأهل الفرس للروم أخلطا)
لا أعتقد إن أهل الفرس خلطاء للروم.
(ماهز شعره من شعر راسي ثراثير الخبال = ولا أعاتب أصحاب الوجيه اللي مع الوقت أبلطا)
الوقت ليس مقياساً لقوة بلاطة الوجه.
(أبوي ماخلا علي قصور من عرف الرجال = مسكني الدرب الصحيح وقال رجلك والخطا
أقرب من دروب المراجل قرب كبدك للطحال = وابعد عن الزلات بعد الشمس عن سطح الوطا
أحرص على ذخر الرجال اللي يشيلون الثقال = والا الردي خله يروّح مع مراويح القطا)
أحسنت...والله يطول بعمر أبوك.
(ترى صدور أهل المعرفه دونها حرز القفال = لو أن من سطو الزمن بوجيهــهم وسم ٍ سطا
ياعابدين النمنمه بقفي طلقين السبال = كف ٍ صفقتوبه وكف آخر يـــدورّ للعطا)
هالبيتين عجيبات...فوق الإبداع...وخصوصاً عجز كل بيت منهن.
(وضح القوافل سايره والنبح ماهم الجمال = والهرج مايرفع بن آدم كان في فعله وطا)
هل في القوافل وضحٌ وملح؟ لا أعتقد ذلك....
عجز البيت تشكر عليه.
(مايقدح عروض الرجال الا الزنيم بن الريال = اللي لقح بالرافدين ونجد له صارت غطا)
اللي لقح بالرافدين؟
هكذا ظلمت حظك بوصف بلاد الرافدين!
(اليا زهمته من عيال الحنث قالو لي حلال = أول مطيه لكن ان الوقت شاله وامتطا)
يجب عليك أن تترفع عن هذا الإسلوب.
(هقواه سرج المهره اللي شالت زحول العيال = ياما استوو في سرجها ربع ٍ على الشر أقلطا
من ماحسب بعد النظر يحسب من حساب البغال = والشعر لو ينطاه نطوه نطو رفلا لانطا
يامن تدورها على راسك تبي تركب عقال = أصبر عليها واصله لاتشتكي هم البطا)
وما علاقة هذا بالقبيلة؟
(يبي يدور بك الزمن دور الرشا فوق المحال = لاهب لك ريح الشمال وطحت بيدين نشطا)
وهل لريح الشمال دور في من يطيح بيدين النشطا أو يسلم منها؟
(ياعبس ياروس الجبال الشامخات من الجبال = العز رفرف والشعاب الساقطه تبقى سقطا
عين الحسد لو طالعت في مجدنا دونه خلال = سهلين بايام الرخا ومع العبيطين أعبطا
اللي يمثلنا يشرفنا ويرقا للمعال = يحسب خطاوي سكته في كل خطوه لاخطا
لكن على ماقالوا العقال سيري ياجمال = القافله تمشي ونبح أكلابها حقد أغبطا)
ليت كل بيوت القصيدة متناسقة مثل تناسق هذه الأبيات!
هذه القصيدة تشهد لشاعريتك...لكنها تدين إسلوبك!
دمت بووووووود