( تطـمّـن ) واطــلق افكارك وكتّف بالرمـوش العـين=(وتعلّم) كيف ترسم درب.. لدموعـك الى من صِحــت
حفــنت كفــوفي لبعــدك،،وقــــمت ادعي يارب امــين=نا مسامحك صـــادق بس انا كــذاب ماســامـحـت
وصلت حدود تفـكيرك مــن التاكــيد الى .. التخــمين=وحسيت انك مسوّي غلـــط ومن الغــــلط مارتحـت
لقيتك مع كلامي ترقــص بصـــمتك علي الحـــبلين=احسبك ماتحــب اللعـــب، وانت بصوتي ْتمرجـحـت
شطـبتك من حــــياتي ياحبيب امك .. ليوم الـــدين=وماهـو مغـريني الا بعـادك وهجرك الى من رحــت
ماحـرّك ساكني شي ٍ بســيط .. وسهل ..لاء (ياشـين)=ماشفـتك في عدل عيني احساسي شايفك(ما صْلحت)
وانا مالي دخـل .. عـــاتب احساسي واقطعه نصين=انا تـحت امر الاحـــساس ..ان رقينا وان نزلنا تحـت
توقعـتك هــنا ..واثـــرك هنا..لا لا.. توقــــع ويــن؟؟=هـــــنا بليا (هنا) لا لا هـــنا (بعــيني ولكن طـــحت)
ياولِد الناس وش فــرقـــك عن الناس وعـن الباقــين=تغــــمـّض مثـــل كل الناس .. واليا فـتّحـــوا..فـتحـت
ماهــــو ذابحني إلا يوم .. تشكـــــيني علي الثانــــين=لو انك جيتــــني ارحــــم من اللي وقــــتها صارحــت
سواتك شــــــــي (متوقّّع) وهــــــذي عادة الحـــلوين=ولاعاد اشوفك بعـــــيني ..ولافــــبالي لو انــك( لِحت)
فراقــــــك عــــيد وبـــشارة عقـــيم بطفل جا هالحين=وغـــرامك دبل كبد وضيق خلق وفـــــوق وماوضحت
وصالك طـــــــير(ن) ألتغ كل ماغـــرد ذبح طفــــــلين=وبعــدك غـــيم(ن) اطـــرم كل ماسولفت معاي انسحـت
اشوفك مثل مالــــــزيتون بعـــــيونك .. غدا لونــين=واشوف يدينك ورقـــتين (وانحـت لك وداعي نـــحت)
انا كبرت عــــقلي عـــن مصـافح طـــــيفك المسكــــين=ونفـــــضت غــبار طاريك( وغـسلت من يدي وارتحـت)