عين تشربك شوف .. وعين تضماك = لاذبحني ضماك ولا رويتك
إن طلبت الغلا ... قلت الغلا جاك = وإن سكنت الخفوق البيت بيتك
بين فرحة لقاك ... وهم فرقاك = لاتذكرت جرح ولا نسيتك
قمت أخيلك هنا ... وهناك وهناك= وين ترحل بي النظرة لقيتك
إن تبسمت قلت ... الموعد شفاك = وإن تمنعت بأنفاسي دعيتك
يارجا العمر لو ... حفتك الأشواك = ليتك أول طريق الحب ليتك
ودع البرد كفٍ ... ضم يمناك = صافح الود قلبي يوم جيتك
حيّ ذا الشوف ... ما تنمل دنياك = شف سواة العيون إليّا لقيتك
زعيم الشعر وسيفه: مساعد الرشيدي