قبيلة بني رشيد - عرض مشاركة مفردة

الغزاله

ماعاد يربطني معك أي موضوع
خلص كلامك.. وانتهى بك كلامي

والعين ما عادت تبي تذرف دموع
وأشره علي إن كان جالك ملامي

اختر طريقك.. واختر اللي بلى رجوع
ماعاد تعنيني وبانهي غرامي

صحيح انا للحين حاير ومفجوع
وشلون حبك صار لحظة عدامي

وش فايدة لو احرق ايامي شموع
واعطيك ما املك وغاية هيامي

وانت الغدر.. في ذمتك صار مشروع
ورد الهدايا في وفاك انتقامي

ماني بخاضع كان تنوي لي خضوع
أهدمك قبل تفكر إنت بهدامي

يا كبرياء والندم فيك مطبوع
وش عاد تفرق دمعتي وإبتسامي؟

ولاني بعايش طول الأيام مخدوع
بصحى لنفسي .. واشتعل في ظلامي

وإن كنت تسأل ليه غايب لي أسبوع
إيه انتظرني لين تمحي عظامي

بالغصب بالقوة أو الود والطوع
بعلن عليك النصر قبل انهزامي

وحبل الوصل خله كذا عنك مقطوع
ما أبغى وصالك يا خيانة مرامي

وآخر كلامي .. كان هالبيت مسموع
لك السلام .. إن كان يوصل سلامي

/

\

تحاياي العطره للجميـــع