اقتباس من مشاركة بحــ الخليج ــر
كهل الصباء
قناعتي كنز قبل أفنى ماهو فاني=ألا أنت نفسي منك عيت تقنعني
والهاجس اللي طرق قلبي وصحاني=من غفلة مع ملم الناس تجمعني
ذكرني الواقع وثمنت نسياني=وليته إلى جنة النسيان رجعني
من لمة الناس قومني وعناني=للطاري اللي تفاصيله تلوعني
وجيتك يابحر الخليج أشكيلك أحزاني=أبيك تسمع ولا أبغى الناس تسمعني
خذني خوي لافقدت الخلق تلقاني=شراعي الصبر والأخلاق ترفعني
أنت الرفيق اللي ليا ثار بركاني=كنه على ثورة البركان دافعني
أسرح مع أمواجك...وشاطيك عنواني=شفني شريتك وأعز إنسان بايعني
الغالي اللي نزح من قلبي لثاني=وإستعجل أمره ولافكر يوادعني
كم مرة سج به فكري ووداني=يمه...وقلت الله إنه فيك يجمعني
يابحر كم شفت في رجواه حقراني=بالبعد يذبحني وبالقرب يوجعني.
رد بحرالخليج. |
رد بحرالخليج
البارحة قلت ليت الخط ماجاني=من صاحب(ن) عقب هالغيبات روعني
احتار فكري وحلو النوم ماجاني=واقول يعني بنظم الشعر وش يعني
لعيون كهل الصباء صفيت الالحاني=والقاف غصب(ن)على جده يطاوعني
الصاحب اللي شعم ضوه وقهواني=فنجال برية(ن)شقراء ونشعني
وانا ماعرفه ولادري وين خاواني=انا اشهد انه على شوفته شجعني
ابا اتبع احساس قلبي يوم ينخاني=على المعرفه لو الاحساس ضيعني
يالذيب لو فرقتنا حدود الاوطاني=ماني مقاطعك وانته لاتقاطعني
خوة رشيدي (مثل) من ماض الازماني=مااتغيرت يوم وقت السلب والطعني
وانا ادري ان الفراق وبعد صدقاني=ان كان ماضرني ماهو بنافعني
ولاهمني البعد لو تسكن بعماني=ولا فيه حاجه عن المشوار تمنعني
لكن عني قطعت الوصل يافلاني=وطيفك من اول سواة الظل يتبعني
وسلامتكم وسامحني على التأخير بالرد واذا حصل بالقصيدة شي عدله ترى والله كتبتها بوقت ضيق ومستعجل عندي ظروف شوي وتحياتي للاعضاء والمشرفين والمراقبين والزوار وللجميع وتقبلوا سلامي[/quote]
عزيزي الشاعر الكبير والرفيق الوافي:بحر الخليج؟
يسعد صباح هالطلة المسفرة والمشرفة.
أولا:أنا حسيت بعدم تواجدك في المنتدى...فخذاني لك الشوق...وحبيت أهديء لك هالقصيدة لعل وعسى أن تسفر عن عودةً سريعة...
وهانحن نجني ثمارها برد مشرف...ردٌ أعتبرته وساماً لا يساوم بثمن...وللمعلومية سيصبح توقيعي الجديد أبياتٌ مختارة منه.
ثانيا:عند قرأتي للرد...أثلج صدري...وأعاد لي الروح الشعرية...التي عهدتها مليئة بالنشاط والحيوية...
تنفست نسيم شعرك أيها البحر...فباح لك على لسان زفراتي بهذين البيتين:
يالشاعر اللي نبض بك دم شرياني؟=يابحر شعرٍ بعقد اللول متعني
شرفتني يابعد حيي وحياني=وريحتني من هواجيس تصارعني....
فحق لي أن أطلب منك القبول بهذا اللقب الذي لا يستحقه إلا أمثالك من الشعراء الأوفياء!
أيها الشاعر الكبير في ذاته قبل شعره....أيها البحر....عفواً...عفواً....آسف!
أيها المحيط؟
هل تقبل من كهل الصباء لقب محيط الشعر؟
إنه ليشرفني حملك لهذا اللقب!
دمت بووووووود