صارت علاقــتـنا على كف عفريت
ريشه بوجه الريح ضلت اثرها
ماعاد ينفع للأسف قول ياليت
عمر ألاماني ماتغير قــــدرها
كم صحت لك وبعالي الصوت ناديت
كنت احسب ان نفسك بتاخذ حذرها
تعبت من كثر احتمالي ومليــــت
والروح توشك فيك تــفــقد صبرها
ماهي غريبه لو بلحظه تخـــليت
حقــيقة افعالك تــبرر عــذرهــــا
رقة أحاسيسي بها انته تسليت
وجبت في لحظه قصيره خبرها
حطمتها وبكل قسوه تجنـــيت
واطفيت مصباح الأمل في نظرها
لاشك في لحظة شقاها تعنيت
رسمت في رمش التعاسه سهرها
اكيد باللي صار فعلاٍ تهنـــيت
وإحساس نفسك بالسعاده غمرهـــا
مع الأسف متحقــق اللي تمنيت
وحس قلبي كل حــاجه خسرهــــا