عرض مشاركة مفردة
  رقم المشاركة : [ 1  ]
قديم 04-02-2007, 11:34 PM
البدر المهاجر
**** سابق
الصورة الشخصية لـ البدر المهاجر
رقم العضوية : 574
تاريخ التسجيل : 27 / 11 / 2006
عدد المشاركات : 1,043
قوة السمعة : 20

البدر المهاجر بدأ يبرز
غير متواجد
 
الافتراضي باعوك خلانك واناجيت أبشريك
حاولت ابرسل لك رساله واهنيك **** لكن كتب لي لم تـــــتم الرســـــــاله

قلت أتصل بك لانك انسان نغليك **** رد المسج ويقـــــول صعـبا وصــاله

قلت استعن بالله واروح واجيك **** انزل سهول الارض واطــــلع جبــالـه

دقيت بابك قالوا الناس وشفيك **** مهجــور بيته لاتوقف قبــــــــالــــــه

وقفت احاول افتكر في لياليك **** والمنزل اللي يحتضــــــنا ظــــلالـــــه

قالواعلى شخصا يبيعك ويشريك **** خــله يروح وانت مـــالك ومــالـــــه

قلت اه لوتدرون من دون تشكيك **** قلبي وعقلي معتبرهم حـــــلالـــــه

قالوا يقول انك ترىفيك مافيك ****قلت اسمحولي هذي احسن مقـــالـــه

باعوك خلانك واناجيت أبشريك *** وعودت مثل اللي فقد راس مــالــــــه

شفت الجروح اللي قديمه تناديك *** وتقول تكفا واعتبرها جمــالــــــــــه

اجمع تراب الحزن في أرض ماضيك *** واسكن سماءحزنه واطالع هلاله

واللي جرالي من سبايب تغليك **** يشبـــه لعودا شرهوبه عيــــــــالــه

والاكماعودا عياله صعاليك *** لاراحوا الغـــــازين بأغـــــلا حــــلالــــــه

مثل السجين اللي عليه الشبابيك*** والايتــــيما ظالمـــينه خـــوالـــــــــه

رجل الامل بمشي بها لين الاقيك *** ويــد الوفـاء بمدها في وصــالـــه

يقولون جاهل شخص ماهو بيغليك*** ثم قلــــت زيدوني بحـبه جهــالـه

وان مت اناهذي وصاتي وبعطيك *** تكتب على قبري حروف المقــالـه

وتقول هذا قبر من كان يعنيك *** الشاعر اللي مازمـــــــانه صفـــــالـه

الموضوع الأصلي: باعوك خلانك واناجيت أبشريك | | الكاتب: البدر المهاجر | | المصدر: شبكة بني عبس




توقيع البدر المهاجر

 

 



Facebook Twitter