ناصر صويان
نصرنا الله اللي كل خلقـه ترجـاه=ذبحنا الجحش واللي بقا راس راعيه
وهذا هـو اللـي بالحيـاه انتمنـاه=ماباقي ياغير العمده تومـي ايديـه
العمده
ترى نصركم منوه تقوله ماشفنـاه=يقول انتصر بالكذب ناصر مع اخيه
تركناك لاجل اللي لهم وجه مع جاه=هل الطيب كل اللي يعرفـه يحييـه
ناصر صويان
ذبحنا جحشكم وانت هالحين تنعاه=تهل العباير عقب منتـه تباريـه
ومن ذل سلم وكل حبن طحنـاه=ولحقك ولد عطوان يبغى يذكيـه
العمده
ذبحت الجحش ياكبرهـا وحـلا لاه=ياشاف الجحش رجليه تخلف مواطيه
سلامـات مابـه ذل والحـمـد لله=طردناك ويا معزبـن تعتـزي فيـه
ناصر صويان
مدام انت تعكس كـل علـم ٍومعنـاه=صحيح ان من لايعرف الصقر يشويه
قبل حزبكم كم حزب غيره كسرنـاه=ومن نطعنه برمـح يبلـش مداويـه
العمده
صحينا لكم واليوم سقها بمسراه=على ما تبا قلها ونمشي مع البيه
ماشفنا جنايزكم مع الحضر وبداه=وسردالكلام تكرره ليه هو ليـه
ناصر صويان
صحيتولنـا مـن بعـد حزبـك هجدنـاه=وذبحنا جحشـك اللـي يشـوش بذانيـه
وبو ذيـل راسـه وسـط بيـرك دفنـاه=وهالحين ماتلقى من اللي تقهويه
العمده
انا حشتكم وحدي ولابـه مـراواه=وياليت الجحش يشوف شين مسويه
جمعت المعزب وبن عمك وشـرواه=وهربتم ونصف المال عندي مخليه
ناصر صويان
انا قول جمع حزبك اللي دمرنـاه=ترى منت داري وين الاول وتاليه
جمعت الرجال اهل الفعول المضراه=ماخاويت جحش ِيحرج اللي يخاويه
العمده
انا كيف اجمع ناس وامرك حسمناه=عس الله يرفع عن مريضه بلا ويه
انا اشوف ناصر قام ياكل بيسـراه=يردد علي الجحش والجحش ناسيه
ناصر صويان
لابلـه لابلـه قـول لاواحـلالاه=اشوف الجبل لاكان مقدر اعديـه
عسى الله يوم الحشر يجمعك وياه=جحشك المسمى وانته اللي مسميه
العمده
علامك تكـرر بيتنـا اللـي كتبنـاه=نقص جمك الليله وغـارت سواقيـه
انا ارجوك لاتجيب الجحش لي وطرياه=تركتـه واذا تبغـاه جـود علابـيـه
ناصر صويان
انا بحر شعري كم في جمته تـاه=لكن لاتخم الدرب معنـا وتخطيـه
لو ذياب ابن غانم يهوزك بشلفاه=تبى تموت وانته متجي حول واديه