السلام عليكم ورحمة الله وبركاته.....
احببت ان انسق هذه المحاور الرائعه واتمنى ان تنال اعجابكم
محمد معيوف
[POEM="font="Arabic Transparent,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الايامرحبا من هيض صدري يوم بحره طاش=عبابه تصطفـق والريـح غربيـه شماليـه
الا يالشاعر اللي في ربوع الفيض عمره عاش=قيـادات الهـرم بالحبـل مربوعـه ومثنيـه [/POEM]
ابراهيم الشيخي
[POEM="font="Arabic Transparent,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يدوم لك البقا من هيض شاعر مابرد له جاش=هواجيسه تعانـق كـل الابـراج السماويـة
لك الله ماشريناها سلف ماعندنـا الا كـاش=واخذنا في حسابات البنـوك ارقـام سريـة[/POEM]
محمد معيوف
[POEM="font="Arabic Transparent,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]على دار الرشيد من المزون المظلمات رشاش=تعانق جوها مابيـن حـر الشمـس والفيـه
تراها ليلة العشر وظروف الشعب طبعاً ماش=غزاها ثار يعرب واصبحت ثـورات قوميـه [/POEM]
ابراهيم الشيخي
[POEM="font="Arabic Transparent,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يابن معيوف لاتنظـر بسوداويـة الاوبـاش=عن الواقع تعوَّض فالمنـام احـلام ورديـة
عساك تحرر ارض الرافدين وترفع الشوباش=على قسمات وجهك من صلاح الدين ماريـة [/POEM]
محمد معيوف
[POEM="font="Arabic Transparent,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انا ماني بميّس والمريض بغرفة الانعاش=ابا احاول لعل الله يروف بحاله شويه
تراي ابحث عن الطيب ولااخاوي سقاط اللاش=لكن هيا توكل ودَع الدار الجنوبيه[/POEM]
ابراهيم الشيخي
[POEM="font="Arabic Transparent,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اناماجيت ازوره لين حصلته طريح فراش=اثر بدو الخليج اكلاتهم ماهـي بصحيـة
والا ياطيب عنقود العنب لو كان ماينّاش=تطاول للعنب يمكن يديك اطول من ايديه [/POEM]
محمد معيوف
[POEM="font="Arabic Transparent,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ليا منك جرحت النون بين الجفن والارماش=تبي تتعب تدوّر لك على وصفـات طبيـه
عتاداتك بدائيه مابين الـزرف والرشـاش=وحنا في عصور الحرب بالاجوا الفضائيـه [/POEM]
براهيم الشيخي
[POEM="font="Arabic Transparent,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تشجع واقبل الواقع وعن واقعك لاتنحـاش=ترى نكرانك الواقع دمار وضعف شخصيـة
غزيناكم بحرب المعرفة ماهي بحرب هواش=ويثبت لك جوابي عبر الاقمـار الصناعيـة [/POEM]
محمد معيوف
[POEM="font="Arabic Transparent,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]معالينا حقايق وجهها ابيض من بياض الشاش=رجوم المجد ماهي غرفة ٍ مـن طيـن مبنيـه
عدسات ( الهيلوكبتر ) تصور دون ومض فلاش=وبعض من البشر يبحث عن الروح الرومنسيه [/POEM]
ابراهيم الشيخي
[POEM="font="Arabic Transparent,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لو الشوكة تصيب عيونكم ماجابها المنقاش=وانا اللي مايصيب الشوك مني غير رجلية
مادام الاقنعة ماتكشف الصادق من الغشاش=انا حكمي على ظاهر كلامك ما اعلم النية [/POEM]
محمد معيوف
[POEM="font="Arabic Transparent,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]على قول المثل : ( روس الضبا مامن وراها عراش )=ترى الشوك اهون من الجمـرة اللـي نارهـا حيـه
ترى (عرقوب) ماصدق (شعيب) وجا بصف الـواش=مثـل ماقـال فرعـون بعصـى موسـى الالهـيـه [/POEM]
تقبلوا تحياتي أبو عبدالله الشويلعي