عرض مشاركة مفردة
  رقم المشاركة : [ 1  ]
قديم 26-04-2008, 06:35 PM
خليف الوهيداني
ابن خزيم
الصورة الشخصية لـ خليف الوهيداني
رقم العضوية : 387
تاريخ التسجيل : 6 / 10 / 2006
عدد المشاركات : 304
قوة السمعة : 19

خليف الوهيداني بدأ يبرز
غير متواجد
 
الافتراضي اعـوذ بالله مـن ابليـس ومطاليبـه
عز الله انك شجاع(ن)شوفتـه هيبـه=وبواردي بالرمـي لا حطـت اشـاره
ترم الهدف بـاول الرميـه وتدويبـه=ليـا توجهـت بالرشـاش وعيـاره
وذيب(ن)ليا جاع نصف الليل يسريبه=ليا يارقد عن حلاله من طفـت نـاره
اللي عسا الموت بسرع وقت يقفيبـه=دامه ماسر الرفيـق ولاحشـم جـاره
وبيته تبيـع المقـرد بـه وتشريبـه=وتلعبه اللي علـى الشرهـات دواره
اللي تجر الرجـل بالغنـج وتجيبـه=اللـي علـى كـل خلـق الله مـراره
والدرب لو هو بوسط رجال تمشيبـه=ماغير بالهرج بيـن النـاس فـراره
وتعاند الرجل فـي منـزل معازيبـه=وعيونها للفلـوس الشهـب سبـاره
والدرب لوهو خطر للقـرش تجريبـه=ماهمها الدرب وش طوله ومشـواره
وايا مكان(ن)بـه الشرهـه تصليبـه=في وصفها كنهـا بـالارض عبـاره
ماحط من فضلة اهل البيـت يجريبـه=ومثل جحا تحط وسط البيت مسمـاره
حتى تحطه عذر وتقـول حقـي بـه=ومن ماعرف وش يمين البيت ويساره
في هالزمن لقـي القبلـه وضحيبـه=وعود الشجر مايقصه غير منشـاره
ومن عذرب الناس جابوله عذاريبـه=والبيت ماينعرف وش داخل اسـواره
وقل الحيا مصيبت(ن)مافوقها مصيبه=وكل(ن)بكيفـه وحـر ماحتـوت داره
والعدل واضح وراع الكـذب يدريبـه=لو يتهـرب منـه ويخفـي اضـراره
ولابـد ماينكشـف زيفـه والاعيبـه=سبحان من يكشفه لو يحفظ اسـراره
ياللي زمان(ن) مضى عادك تهذريبـه=وش جاب فريس قوم لنـاس حمـاره
وراس الطويـلات ماكل(ن)يعديـبـه=وضلع العلم مايساوا في جبـل قـاره
ومن مارفع قيمته عند العرب طيبـه=ينسى واليا مات عقبه ماتت اذكـاره
والحـر ماترحـم الصيـده مخاليبـه=ولا تنجي القاتـل احلافـه ولاعـذاره
والشعر من ماعرف وزنـه وتركيبـه=مثل العمى اللي ماشاف النجم وانواره
ياكاتب النقـد قلـي ويـش اسويبـه=النفس صارت مابين امرين محتـاره
خوف(ن)مـن الله يعاقبنـي بتعذيبـه=والشيمه اترك صغار القـوم لكبـاره
اعـوذ بالله مـن ابليـس ومطاليبـه=لادق لشـر يـوم الغيـض مزمـاره
والا انـا عارف(ن)وشلـون اببديبـه=وصيده مثل صيدت الشعري بسنـاره
عندي خبر وين يصبح به ويمسيبـه=وعندي علومه وجولاتـه ومسيـاره
يامـدور الشـر ماتحسـب عواقيبـه=من جاب الاخبار جوه الناس بخبـاره
والخير عندك وكل الخير تحريبه=عنك الحديقه جنوب وشرقي الحاره
عدك من الناس معفنت(ن)مشاريبه=والعين تهتالبه من كثر زواره
واللي يبي معك تشريقه وتغريبه=ايطلع المحفظه ويذب ديناره
والشعر ماهـو بيـوم اروح واجيبـه=احفر اساسه بساعه وبنـي اجـداره





توقيع خليف الوهيداني
الله يبيض وجه قل لي ودينـي=خلاني اعرف كل رجل ومقامـه
وخلاني صفق في شمالي يميني=وذوق من نخوى العفون الندامه
وقت الرخى يامكثـر الطيبنـي=كل(ن)ربط فوق المراجل حزامه
بس الرجل وقت الشدايد يبيني=ولو لا كذا ماصار طيب ورخامه



 

 



Facebook Twitter