لبيه قالولگ وانا اقول لبيه
كل من تنادي ياغلا القلب لباگ
كل المسامع صوتگ بشوق تصغيه
أحلى الكلام وروعته من شفاياگ
العهد بيني وبينگ العهد نوفيه
هذي يميني وهاتلي كف يمناگ
ان قلت اسوي بأمرگ اليوم اسويه
وكل شيء بأمرگ يستوي يوم لقياگ
من قد قلبي دام حبگ سكن فيه
تسوى وغيرگ ماحد اليوم يسواگ
غيرگ يحاول وأتركه مول ما أجيه
ون كان زودها معي قلت ما أباگ
ياحلو كل الحلو حلوگ يحليه
ضيعت هذا بحسنگ وضاع هذاگ
أقولها لبيه من القلب لبيه
توصلگ لين العاصمه وين سكناگ