وقلبي اللي صاير فيه ضـــــــيــقه قامت هواجيس الضماير تـــتلــــــه
مثل لهيب النار ولع حريــــــقـــــه بالجوف يصلاني وانا ما احتمـــــله
جيت الحكيم اللي يعرف الحقيقـــه وشرحت له عن ما تحتويه السجله
بالله يا دكتور شف لي طريقـــــــه أبا اتعالج واترك الـــــــحــب كــلـــه
قال الطبيب جروح قلبك عميقــــه عاشق وراعي الحب خـــلـه لــعـله
قلت العفو قبلي شقيق وشقيقـــــه تقاتلا في مــــوقـــع مــــا نــدلــــه
وكلن يشجع بالمــــحافل فريقــــه واللي يعــــقــــد الحبل لازم يحلــه
ذكراه يا دكتور لو هــــي دقيقــــه مغير اهوجس فيه و اذكر مـــحله
ما دام تعرف علتي كيف اطــــيقـه عطني الدواء ان كان يوجد دوالـه
وصفه منك تبعد عن القلب ضيقـه تبري جروح ابو العيون الـمظـله
واحفظ لي التقرير عنــــدك وثيقـه ذكرى مع الايـــام خــلـن و خلـه
الشـــاعر: صــاطــي خـــلــف الرشــــــيـدي