[الاجهر]

ياذيب لاتجذب علي الذيابه = حول وانا ببدي مع الرجم ياذيب"
للشاعر الكبير " خلف بن هذال العتيبي "
وهذه هي القصيده كامله ...

..

ياذيب لاتجذب علي الذيابه = حول وانا ببدي مع الرجم ياذيب
والذيب خاوى من عصور الصحابه = له خوة تصدق مع أهل المواجيب
بديت انا في راس رجم عوابه = وأبكي بدمع غرق الكم والجيب
عليك يامن ساقني في عذابه = سوق الركاب مكسرات المصاليب
ركايب " ن " ركّابهن صار ما به = رحمه ولا ياوي لشيب المحاديب
أثره جلاوي من ديار القرابه = مونس ومجفي عقب ماكان في طيب
ثم شب من بين القرابه حرابه = احرابة يجبر بها العظم ويعيب
اثر الهوى صعب على من مشابه = يركي على كبد المهاوي لواهيب
ياكم وكم وكم ليل سرابه = ياطا على الديبان ما يعلم الغيب
ياقف على المجمول ويطق بابه = ويقول هذي من كبار العواقيب
الحب بلوى من بغاه ابتلابه = حب العذارى يالنشاما مهو عيب
العيب من سود كتابه وجابه = يوم الرجال يبيضون المكاتيب
هذاك خايب خيب الله شبابه = مهوب كفو"ن" للبني الرعابيب
اليوم قلبي مايفيد الدواء به = ادواه عندي ما تسر الأطابيب
طبه طبيب الشوف جالي عذابه = كامل حسين أوصاف مابه عذاريب
هافي حشا باب الردى ماسعى به = ارمي بضني في هوى البال ويصيب
اديب مافي سنته مثل أدابه = يدق فاكبود العذارى مناسيب
حس الجنيه يغالطه في جوابه = هين علي وهو على غيري صعيب

خلف العتيبي

الموضوع الأصلي: ياذيب لاتجذب علي الذيابه | | الكاتب: الاجهر | | المصدر: شبكة بني عبس