أقبل يحرك خطوة الرجل برفوق=القاع لمصافح أخطاه يتشوق
مخلوق لكنه مهو بي مخلوق=على بنات أدم وحواء تفوق
عليه لبسن يجمع الوسع والضوق=موسعن بعضه وبعضه مضوق
مر وتعدى مابدأ منه منطوق= إلانه بجيش المفاتن مطوق
خلاني أمشي وأقضب الدرب واتوق=ماني بتايق عقل لكن متوق
تقول مرمين على ألأرض من فوق=وإلامن السم السقطري مذوق
يغفى علي أشوي وأشوين أفوق=وأقول لاستيقظت والبال روق
مدام لامعوق ولاصايبه عوق= وراه يمشي مثل مشي المعوق
اللي على حاله خطر من هل السوق=مفروض يمنع مايروح أيتسوق
الشاعر//لافي حمود الغيداني