الله يرحم من طواه الوقت و احكام الظروف
............... طرقي على درب الرحيل وضيف لايام العتاب
يسوق عمره مع زمن عيا على قلبه يروف
.............. الا دخل في معمعة تفكير وش خلف الضباب
تجي على لحظة غلا وتروح حلم مع الضيوف
................. مسترسله بأفكارها لاخر حدود من الحجاب
بعض الهقاوي ماتجي حتى ولو مافيه خوف
............... لأنها هقوت عزيز تعانق حدود السحاب
لو كان حل السالفه بالشلف وبحد السيوف
............... ماكان عنده مشكله ولا حسب إية حساب
ياللي بركت وشلت حملك لاتعذر بالكتوف
............... لا ينهزع كتفك تراك بعز عمرك والشباب
وترك مشاريه الغلا تضيع مع حزن الحروف
................. وقفل على لسان العتب ياصاحبي مليون باب
لــــــ... شاعر ماعرف اسمه مع الأسف..!