[الاجهر]

هذي رايعه للشاعر الكبير عوض بن خيران يقول
فيها أبو سامي :

صفقـه تهـون وصفقـة ً ماتهونـي
وهامه بدل هامه وجمع ً بدل جمـع

يخونـه الخايـن وهـي ماتخونـي
ولا جمعت دنيـا ولا فرقـت جمـع

وملمعيـن الـروس مـا لمعـونـي
املع ً خلقـه وأنـا ماعـرف اللمـع

والوقت ضايقنـي وهـم ضايقونـي
ورمعت لي رمعه وأنا ماضمن الرمع

وعيـدي بفرقاهـم اليـا فارقونـي
وموتي ولا صبري علي الكبت والقمع

وناسك يابو مجحـود لـو عايدونـي
مالك بهذا العيـد طاعـه ولا سمـع

طمعـت بالصحبـه ولا طمعـونـي
وكم واحدن يطمع ويطبع اليا طمـع

وحده شلون يقـارب لونـه ولونـي
مالي معك شمعه ولالك معـي شمـع

ولانيب مجامل ناس مـا جاملونـي
مافات مات ودمعتـي غيرهـا دمـع

وسلامتكم

الموضوع الأصلي: يخونـه الخايـن وهـي ماتخونـي | | الكاتب: الاجهر | | المصدر: شبكة بني عبس