21-04-2008, 05:30 PM
|
|
فضيحة سعد الحارثـــــــــي !!!!!!!!!!
أنا أبصم بالعشرة أنكم داخلين علشان تشوفون وش الفضيحة الي فيه سعد
الحارثي و قلوبكم كلها مولعه نار و تنتظرون أعلان خبر رحيل سعد الحارثي .
سعد الحارثي هداف النصر الأول و أبرز لاعب فيه و أفضل لاعب عربي
و أفضل لاعب واعد و المهاجم الثاني بالمنتخب و هداف دوري أبطال العرب .
و بعد ما صفقنا له و تعلقت قلوبنا فيه و ما نشوف بين عيوننا من النصر الا هو .
سعد الحارثي الي كان يلعب لفريق غائب عن البطولات 10 سنوات
و كان يقدر ينتقل لأي فريق بطولات و يترك نادي النصر و مشاكله و يرتاح .
لكنه جلس بالنادي .
قولوا عني اللي تقولونه
بالأندية الثانية نجوم فريقهم حلال عليهم تنخفض مستوياتهم . أما سعد الحارثي
لو يخسر النصر على طول الجمهور يحط العلة في سعد .
الآن وين مالك معاذ وين محمد نور وين حسين عبد الغني وين محمد الشلهوب .
كل اللاعبين الي ذكرتهم نجوم في فريقهم و مستوياتهم تحت و أنديتهم تخسر .
و لا سمعنا أن الجماهير حاطين العلة بواحد منهم !! .
مع الأسف و أقولها .. جمهور النصر صار يهتم و يصدق أخبار الصحف
و كتابات بعض الأخوان و يتكلم و يسب في سعد الحارثي .
أن أجزم أن لو فيه أثنين مدحوا في سعد عقب اي مباراة كان العالم
كله مدح في سعد .
يا جمهور النصر , يا جمهور الشمس يا جمهور الوفا .
سعد محتاج وقفة من الجمهور علشان يرجع لمستواه .
يكفي يكفي أن في الحفل سحب منه شيك و هو راكب في سيارته .
كيف ما تبغونه يتأثر ؟
بالأخير .. قسم بالله أننا نندم إذا سعد طلع من النادي .
سعد و بس سعد و بس و كلنا معك يا سعد حتى ترجع نفس ما كنت أول .
و يا زين التطبيل لسعد إذا كان التطبيل بيفقع مرارة الحساد .
ودمتم بود
شهاليل النصر
| توقيع شهاليل |
اَلَّلُهْمَّ لاَتَجْعٍَِلْ حَآجَِتِيْ اٍِلاَ / ااِلَْيْكْ ’ْ
|
|