السلام عليككككم
اقدم لكم القصيده الغزليه المتواضعههههه
البارحه ماجاني نوم ن يا شامان=ماغير اهيجن في ربيع البوادي
برسل قصيده من غلا صدق وجدان=ودزها لك وانت مرتاح هادي
قدمت لك باقه شعر ورد ريحان=ابيات مصدرها صميم الفوادي
ادري مقصر فيك يابنت صقران=والطبع هذا طبع عندي اعتيادي
اما على الحالين فالقلب نيران=القلب من ضيقته هايم ينادي
ادري خذيت ابخاطرك حيل زعلان=وسبه هرجه مالها اي سنادي
ادري تفكر بالغزل وانت طفشان=وحبيبك دايم فكره جن وعنادي
فدرب الغزل يابنت فاشل وعميان=لما يتغزل وجهه صابه برادي
لكن انا حطيت للحب عنوان=لو الشباب اليوم عنه بعادي
الحب قلب ن مادخل فيه شيطان=هذا صحيح الهرج والغير غادي
الحب ماهو دندنه دان يادان=الحب صدق القلب وهذا الوكادي
طبعي تعرفه ماني كاذب وخوان=هذي علومي وانته غايه مرادي
قرمين ثم قرمين ياقوم صقران=قوم ن تدوس المعتدي والمعادي
اقولها والحق مافيه نكران=شهادتي ماهي غريبه وعادي
بدوان ماعشنا على كان ماكان=بعنا النياق وصرنا نشرب زبادي
اليوم مابه فرق بدوان حضران=كلنا نصلي لوجهه لرب العبادي