حصلت ووصلت فيك من غير تفكير=لكن عساها يـوم حصلـت تعـدي
ولافيه عنها يوم حصلـت معاذيـر=ولافيه لو صديـت عنهـا مصـدي
قصه لهـا خطـه وشطـه وتأثيـر=جميع شي بوقتهـا صـار ضـدي
ابا تحملهـا ولـو هـي مخاسيـر=لو هد منها الحـال والحيـل هـدي
والنفس منهـا حاشرتهـا حواشيـر=حاولـت اهديهـا وعيـت تهـدي
ياليت لي جنحـان يـارب واطيـر=باي طريق(ن)عـن غثاهـا يـودي
عن وضعها تعجز قصايـد وتعبيـر=اشوي والا انبـاح للنـاس سـدي
جتني بلحظـه مابراسـي عياطيـر=ياقـو طعنتهـا وياقـو ضعـفـي
ان الله احيانـي تهـون المشاويـر=وان مت من تأثيرها مـوت جـدي
ياشينها لاجتك مـن غيـر تحذيـر=وانت متعشـي زيـن ولا متغـدي
الشاعر عبدالله باتل الرشيدي