ابو عوجه
ياخوي الجحش مدري خوي اسباع=اقرب اقرب من الشعله ومشهابها
ماذكر بالمواقف غير رجلا ِشجاع=وانت بعض المواقف وش بك تهابها
العمده
ياكبير العلوم وياقصيـر الـذراع=من بغا المشكله يدخل مع ابوابهـا
لوتشاهد اربوعي ماتحرك كـراع=ربعي اهل الشجاعه يحسب حسابها
ابو عوجه
اثرك اللي يابو تركي قليل السناع=كل حاجه على ماقيل ترضابها
ربعك اللي معك ماغير بالاجتماع=بسعه تقطعون الروس ورقابها
العمده
قول هذا لمن منهو عن الدرب ضاع=لاتقولـه لنـاس ٍ تفتـل اشنابهـا
ربعي اللي صليب الراس ياجوه طاع=ربعتن من بغاهـا بالقشـر هابهـا
ابو عوجه
جاك مرسول مايدور وراك الطماع=مير قدم له الدله ياصبابها
وش شعورك ياناصر في نهار الوداع=يوم الاصحاب بارت في يد الصحابها
العمده
اي مرسول لاتجلب لراسي صداع=ابو عوجه يزوز بقصتن جابهـا
كل شين بزول ولا تزول الطبـاع=والموادع نبيك تفسـر اعرابهـا
ابو عوجه
مابقى بالسفينه غير حبل الشراع=وين ياعمدة الاحزاب ركابها
جل من حط بالدنيا الفجوج الوساع=نصبح بدار والاخرى انتمسابها
العمده
لاتضايق ماصار بحبل زيد انقطاع=خل راع السفينه يـدب اذنابهـا
مار بلغ ولد عطوان يضف القناع=كلمتن قالهـا مايحمـد اعقابهـا
ابو عوجه
انت خله يقيس البحر كم رتفاع=السفينه تراها قريب اعطابها
انت اخوك الجحش يالعمده من الرضاع=وابن عطوان ماعرفه ولو جابها
العمده
فيه شي ن يذاع وشي ماهو يـذاع=ابعد ابعد عن الشكـات وترابهـا
والله اني ماعرفه غير يوم النزاع=اجتمعنا بيوم يحـرق اعصابهـا
ابو عوجه
انت ناصر ترى منته معش الجياع=مير طالعلك امرايه تمرابها
كيف تمشي بامر جحشان دايم طواع=وان رقى هضبت ِوراه ترقابها