شاعر طرطنقي
يا عابد علام المنتـدى مكثـر النـوم=تقدم وهات العلم يا الذيـب سرحـان
من اول نشوف الدرب مزحوم مزحوم=واظن المشاكل كلهـا راس جحشـان
عابد البراك
صحيبي ينشدني ولاني بملزوم=ولالي شغل بفلان والا فلنتان
ياكثر الشكوك الشك وارد على القوم=وانا اقول فيك الشك واردومليان
شاعر طرطنقي
صحيبك يبا يعرف علوم ن ورى اعلوم=علامك تغيب ايام وش حصل وش كان
ياكثر الشكوك اليوم والشـك مقسـوم=يا عابد تعرف القصد واضح باللـوان
عابد البراك
تبيلك علومن دونها السد مردوم=سدودالسراه ودونها ضلع عسفان
ترا القصد واضح مير لاتكثر الحوم=انا منك لاراضي ولاني بزعلان
شاعر طرطنقي
انا من علـوم القايـد اليـوم مظلـوم=لكن انت بالله قلي وش قصـة ابـان ؟
ترا السوق غالي حيل واضح من السوم=وهذا طلـع رابـح وهـذاك خسـران
عابد البراك
عليك الدلائل ثابته يوم في يوم=يقوله واناحضي بري ياكحيلان
ورا ماتقول الصدق ماتصير محكوم=تخارج وتعلن بالصحيفه بلاعلان
شاعر طرطنقي
تراها دلائـل ضائعـه كلهـا كـوم=وحجه بلا برهـان تحـذف بنيـران
الا ليت جيش كسرا يغزي على الروم=ويرجع نهار الحرب والكل طربـان
عابد البراك
مادامك بري يبقا على الدرب منجوم=ترا المتهم يثبت براته بعنوان
ترا الغزو شين وبين هازم ومهزوم=وجيش اكسرا يرعب ليا مر الاوطان
شاعر طرطنقي
نبا نهجد الاحـزاب والنايـم ايقـوم=ومن هو يعاند راح خسران ندمـان
وبكره يبين العلم والكـل مصـدوم=نبا اختامها ورد ن وعطر ن وريحان