حبيت اسلم..وانشـد عنك..واشحالـك
ياللـي غيابـك يعذبـنـي ويكويـنـي
وش صار عقبي..وش اللي جد بااحوالك
هل تذكر الحـب والا صـرت ناسينـي
هل غاب طيفـي..والا عايـش فبالـك
يـاول حياتـي وآخـر مابقـا فيـنـي
ظلم الليالي قطـع وصلـي ومرسالـك
وابعدت عنك ونـار الشـوق تشوينـي
تسهر عيوني من الفرقـا علـى جالـك
والدمع ياخذ مـن افراحـي ويطوينـي
ليتك بقربي واخلـي الـروح بظلالـك
يامـن غرامـك يموتنـي ويحييـنـي
ان كنت عايش..مريـح البـال يهنالـك
يكفينـي انـك تكـون بخيـر يكفينـي