http://www.alsh3r.com/poeter.1428.html
العويمري
شكواي للي كون آدم مـن الطيـن'=وسخر لمخلوقـه جميـع البهايـم
ومن بعد اذ بشكي لربعن عزيزيـن=منهم ولـد منـور قـوي العزايـم
نواف أبن منور له نقـول نعميـن=عز الصديق اللي له الوقت ضايـم
في حزه الشده كما الصلب مايليـن=وبالبر سيل بالبحـر مـوج عايـم
وان حل له طاري بوسط الدواوين=تقديـره الاول بـزيـن القـوايـم
عساه يلقى حـل مايقـول بعديـن=وان اعتذر مانـي لنـواف الايـم
بشرح له الموضوع وافهمه زيـن=عن حظي اللي ضاريـن للهزايـم
عايش بهم وغم مـن عـدة سنيـن=وكلن صفاء جوه وانا الجو غايـم
والحـظ جربتـه بكـل المياديـن=لكن اشوف الحـظ ماهـو بقايـم
اكابد احزاني ولا النـاس داريـن=والهم خلى في ضلوعـي خرايـم
واسهر واهوجس و المخاليق غافين=ومع السهر كني عن الاكل صايـم
من الخميس الصبح ليـوم الاثنيـن=اخيـل سهيـل وارعـى النعايـم
لي حالتـن والله تسـر المعاديـن=وتفـرح الانـذال وأهـل النمايـم
حتى العدو يقولي خاطـرك شيـن=مريض والا تسهـر الليـل دايـم
قلت آه وعـزي لحـال المسيكيـن=ماهمه الا النـوم واكـل الولايـم
ماحاشته برده على اعيار خمسيـن=ولاصاده الظابط على البرج نايـم
سيارته سكـراب وعمامتـه ديـن=ولانيتـه يبغـى يجيـب الغدايـم يعرضهـا ولاحـدن بسايـم
وان أشترى دخان ماحـط بنزيـن=ومن شان عشر ريال سوى الجرايم
واليوم كاشخ عنده اربـع وتسعيـن=ولايلبـس الامـن خيـار العمايـم
رد نواف العازمي
ياركبن من فـوق خمسـه وتسعيـن=موتـر علـى اول جدتـه وامتلايـم
محرك اربع ميه واربـع وخمسيـن=مال المكينه صـوت والبلـف نايـم
ماتسمعـون الا هديـر القـزوزيـن=مثـل حلـوق امـدوريـن النمـايـم
يمشي من الخفجي عصر يوم الاثنين=يـم الكويـت وخلفـه العـج قايـم
ويلفي على سالـم زبـون المخليـن=قصـرن يـذري بالبـرود الصرايـم
مـن لابتـن دايـم تضـد المعاديـن=والهم بكسب الطيـب فعـل وقدايـم
منهم الويحـق يـوم دور الاكاويـن=ومدهاس و سبيتـان ماهـي ظلايـم
واطويق شيخن يقسم الجيش قسميـن=كم سبرتـن راحـت بوجـه قسايـم
بنـي رشيـد امطوعيـن السلاطيـن=علـى ظهـور معالكـات الشكـايـم
وقل كان تشكي بارد الوجه والعيـن=قليـل ميـز ومـن رجالـن هلايـم
خلـه يولـي وش تـبـي برديـيـن=آخـر معرفتهـم تـراهـا لاوايــم
وانـذل لوزانـت لياليـه مايـزيـن=خص الخمام اللـي خوالـه خمايـم
وانصحك عن عرف الرفيق ابووجهين=اللـي امبينـتـن علـيـه العـلايـم
والوقت يبغى صبر وايمـان ويزيـن=ولاتنطـوي مثـل البعيـر المهـايـم
والارض يحدث من غظبها براكيـن=وانا مـن الوقـت الخبيـث امتشايـم
واسلم وخصص بالسـلام العزيزيـن=وقـل لاندمـت ولاتجيـك النـدايـم