تعودني عليك أيام أبد ماأفارقك ليله = وإذا عنك أروح اليوم أقولك نلتقي باكر
تعودني على لطفك على أسلوبك وتدليله = وتتوقع أنا بحيا بدونك يوم بتسافر
أنا ماودي أشكيلك ولكن قلت الحيله = أليمه فرقتك ولله وأنا على البعد موب قادر
دخيلك أجل الموعد إذا تقدر على تأجيله = دخيلك حط دمعاتي في عينك قبل ماتسافر
ياشين الوقت في بعدك دقيقه كنها ليله = شيصبرني وأنا أحبك ومثلك في البشر نادر
تعلق قلبي بقلبك يسمع منه ويحكيله = تدلل قول بس أطلب أقولك غالي وتامر
أنا مدري إذا قلبي رفض يصبر شسويله = تخيل حالتي بعدك انا تحطمت على الأخر
أكلم نفسي في غيابك ألوم القلب وأشكيله = وأصبر نفسي بالقوه وأقضي الليل أنا ساهر
أنا أتمنى قبل لا يروح يلمس دمعي منديله = أبيه يحس بإحساسي أبيه يقول لي تامر
أبي حضنه يدفيني خليل يودع خليله = وأقول بصوت به شهقا فمان الله يامسافر
وأرجع من المطر وحدي يشيلني الهم وأشيله = شيصبرني أنا شهرين وهو بس توه مسافر
عزاي أنه أخذ قلبي في وسط عيونه يشيله = وأنا أصبحت في بعده وحيد وأكسر الخاطر