[غزلآن]

القصيدة : [GLOW="FFCCFF"]آخر طموحااتـــــي[/GLOW]
الشااعر :[GLOW="FFCCFF"] فــــــــــــــــــزااع[/GLOW]
×؛× ×؛× ×؛×

يا أخر طموحاتي وذروة حنيني
تلبس على فالك وأنا بفالي أموت
أموت في اللبس الخفي المبيني
والشعر لامنه تناثر على الكوت

×؛× ×؛× ×؛×

والصوره الي بين خدك وبيني
تقول للسكر تعال المس التوت
وعيونك اللي تحتها شامتيني
خيل العرب في معركة عين جالوت

×؛× ×؛× ×؛×

كل شي يتمنى يشاركك فيني
الأرض والأشجار والبحر والحوت
يا مبرأك يا مظلمك يا ظنيني
ما ضاعلك ضايع ولا فاتلك فوت

×؛× ×؛× ×؛×

أقسى الرجال ان شاف حسنك يليني
والبنت في جنبك تتحول لطاغوت
خذني معك بلاك أنا مايبيني
يا شعر بوراشد ويا سحر هاروت

×؛× ×؛× ×؛×

هذي أمنياتي يا مبعثر سنيني
الود ودي نجتمع لو في تابوت
ودي أحطك ياحبيبي في عيني
وأسكر عيوني عليك أنت وأموت

×؛× ×؛× ×؛×

وأدخل معك قبر الغرام الحزيني
واسمع تناهيت المحبه بلا صوت
يا أخر طموحاتي وذروة حنيني
تلبس على فالك وأنا بفالي أموت

الموضوع الأصلي: اخر طموحاتي ..............فزاع | | الكاتب: غزلآن | | المصدر: شبكة بني عبس