[فهد المويسه]

اقتباس من مشاركة بحــ الخليج ــر السلام عليكم ورحمة الله وبركاته حبيت ان اشارك اخواني بوصف الباديه بهذه الابيات واتمنى ان تحوز على رضاكم يوم(ن)كل(ن)وصّف الابل والخيل=واحد(ن)وصف طير السعد بالهدادي تغير الاجيال جيل(ن)ورا جيل=وكل(ن)كلى كيفه يعن الجيادي انا بقلبي شوق ماهو بتمثيل=شوق(ن)لك الله غير ماهو بعادي اشتاقلك ياللي كما ظلمت الليل=ابيض بقلبي لو غشاك السوادي في ربعتك يازين جو التعاليل=سدو الزوالي والمراكي شدادي في روضة(ن)خضراء مداهيل للسيل=ريح النفل فيها يسر الفوادي لاهنت (يابيت الشعر) بالتماثيل=اسمك تعلق في حياة البوادي دايم مشرع للضيوف المقابيل=ماتعتذر في حر والا برادي الضيف تضحك له خشوم المعاميل=قبل المعزب بالعشاء ماينادي انا اشهد انك ثالث البن والهيل=عيال بطن الباديه والمبادي ياما تحملت العنا والغرابيل=وياما عطتك من الكفوف الايادي وياما تربوا تحت ظلك رجاجيل=يوم المعيشه بالقنا والزنادي ((بيت الشعر)) مانجهله بالتماثيل=ان كان وصفنا حياة البوادي وسلامتكم

بيض الله وجهك على الوصف الرائع والمميز

وصح لسانك

وتقبل سلامي