[سلطان الغرام _]

تعالي
مابقى عرقا بقلبي مايناديك

تبين من القصيد أبيات
تبين من الجروح آهات
تبين من الغلا حب يزود بدقة الساعات

تعالي
وأكتبي اسمي على صدرك
على السلسال
تعالي مابقى فيني مكان ماكتبتك فيه
سجنتيني
مثل طير تعود بالفضاء يصطاد
وجيتيني
على غفله وربطت قلبي بالأصفاد
ملكتيني
وأنا الحر الطليق بعالم الأحلام

هزمتيني وأنا الفارس
سرقتيني وأنا الحارس

قدرتي
تملكي قلب قسى من قسوة الأيام

تعالي وأرمي همومك
تعالي وانثري شعرك
تعالي
وأسكني بين الضلوع العامرة بكـ
وامسحي العبرات
تعالي
بددي وحشة خفوقا مابقى به مات
تعالي
باسمع اسمي من شفاتك واسمع الهمسات
تعالي
وأحرق وجهي لهيب أنفاسك العطرات
تعالي
بحضنك حب جديد وبشربك واضماك