[أنكسارحلم]

اقتباس من مشاركة جمعان خلف احبتي في هذه الشبكه العبسية السلام عليكم ورحمة الله وبركاته وبعد يسعدني أن إهديكم هذه القصيدة المتواضعة , كما يسعدني أن اشكر الاخ العزيز الشاعر ناصر الشويلعي على دعوته الكريمه , تحياتي لكم جميعا , كما أتمنى أن تنال هذه القصيدة ولو بعضا من رضاكم واعجابكم ياصاحبــــــــــي ياصاحبي بالكايده خلك جمل = ترى الرجال تشيل ماتشيل الجمال اضرب لهم في مافعلت اروع مثل = بالفعل يمك وجه عيون الرجال خل الجميع يطالعونك في خجل = وأنت اعطهم درس التفوق برتجال قل ياشباب اليوم هذا اللي حصل = واللي يبي ياصل هذا درب الوصال العلم لوهو من ورى كوكب زحل = ماهو على أهل الطايله صعب المنال اللـه خلقنا للعباده والعمل = نسعى بمناكبها ورى كسب الحلال والنوم هو ساس البلاوي والفشل = مامن ورى نوم الضحاوي راس مال يانايمٍ في مضجعك قم واشتغل = ترى الرجل لابد يضربه مثال اما يقال فلان والنعم الرجل = وإلا بعكس المدح شئً مايقال خل الكسل وابدا حياتك بالأمل = يانائمٍ تحت المكيف والظلال الوقت مثل السيف يمضي في عجل = أن ماقطعته يقطعك مابه مجال العمر فرصه واستغله واحتمل = صبرك على نفسك ولا صبرٍ محال أشغل حياتك في ذكر ربك وصل = مايندرى عن ماتحفيه الليال ولاترافق الجاهل يزيدك في جهل = فعل اليمين أخير من فعل الشمال والصاحب اللي كل ماينصح زعل = خل العوض في صحبته قطع الوصال لابد ماربك يعوضك في بدل = أنت احتسب واللـه عليه الاتكال وتمت وصلى الله على خير الرسل = اللي أمر في مسجده يأذن بلال تحياتي 00 جمعان خلف الرشيدي

صح السانك يابو خليفه وبيض الله وجهك على هذه القصيده الرائعه

الحقيقه يخونني التعبير عن شاعر بحجمك حيث انك مدرسة شعر

ولاتحتاج الى شهاده من الآخرين