يابنـت الاجــواد بالله لا تخليـنـي
اهيم في عالـم الحرمـان وحدانـي
ياعنق ريم نفـج بيـن الصلاتينـي
مذيـرٍ مـن شعيـب وراح للثانـي
ان كان رحتي علي منهو يواسينـي
ياكيف باصبر ونار الشوق تصلانـي
انـا احبـك وحبـك ساكـنٍ فينـي
يمشي مع الدم في قلبـي وشريانـي
استوطني وسط قلبي يانظـر عينـي
ويصير لك من ورود العشق بستاني
تكفين من عالم الحرمـان شيلينـي
خليني اعيـش جـو العالـم الثانـي
تكفين جيتك بقايـا انسـان لمينـي
واستنزفي كل احاسيسـي ووجدانـي
يابنت جيتك وداع الشـوق يدعينـي
ماهو تطفل لكـن الحـب سلطانـي
لا نامو النـاس يابنـت السلاطينـي
سريت اجر اللحون اشكـال والوانـي
تعـداد حزنـي يقـدر بالملاييـنـي
شيءٍ بقلبي صعيب يشيلـه انسانـي
صبحية العيد مالقـى اللـي يسلينـي
اضحك على شان ابوي وخاطر خواني
يابنـت الاجــواد بالله لا تخليـنـي
لاهل دمعي وحدر فـوق الاوجانـي