مشكور بركه الداموك واطلب من الله ان يكون الفوز من نصيب حزب العمده لاحزب النصروهذه مشاركتي المتواضعه ههههههههه
الابل خلقه ماشبه لي مخلوق = ذكرة عبر للمعتبر في كتابه
فج النحورومنظره يجلب الشوق = وضحن وملح وشعل واخرى تشابه
وسنام كنه رجم بالجسم من فوق = وتقول محني قوس عوجت رقابه
فيه ارتفاع القدم والخلف مفهوق = وخرطومها مدلين به ذرابه
وحليبها يجري مع الدم وعروق = وياتي مصفا عذب حلون شرابه
اليا ارتعت مابين وديان وصفوق = في وسط روض ٍ زاد ديمه سحابه
وتعاقب النوارفي كل زملوق = منظر يسر افواد منهو مشابه
وحن الحوار وحنت امه من النوق = يعرف جوابه وهي تعرف جوابه
احوارها جاها طلب ماهو مسيوق = وتفهقت و الدر عرقه مشابه
اروت حواره والقدح ماهو مشلوق = مليت طياس اللي حليبه زهابه
هاذي طرات العمر والحي مرزوق= تحيا وتموت ولا تجيك الكأ به