[زلزال الرعود]

قصيدة موجهها للبرق الخاطف لعل ان تنال بعض استحسانكم
[POEM="font="MS Dialog,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]يابارق ٍ .مزنه سحاب وهماليل =نود الصبا ساكن .هوا الغرب ساقه
ظَف الخيال وبارقه. باول الليل= يشرح صدر من ضيقنّه نياقه
بين الجذيب .وبين حمر الغراميل= ماكن أله بأهله. ولا له علاقه
من خفقة المرزم أليا طلعة اسهيل= ما ارتاح بال ولاثنى عظم ساقه
اعلم ترا الجزعه تهز الرياجيل= واعلم ترا عيب الرجال الحماقه
وسع مراحك لليال المقابيل= لاتموت عاري وأنت مافيك فاقه
جوّخ مع الفرسان بمطارد الخيل=لاصار لرياح الهبوب اصطفاقه
واشرب من الدله ثلاث الفناجيل= واكسب قلوب الخلق.ذوق ولباقه
وازرع رياحين المحبه على النيل=تثمروتحصد من شذا العطر باقه
لاتنحدر مع واد ٍ جارفه سيل=اترك هجيج الهجن واحضر سباقه
وإذا بلوك اقليلين المحاصيل= ترا الردي من سعد عينك. افراقه
شرواك مايلقى عليهم مداخيل= لكان ذكرى ياصريح الصداقه[/POEM]
اخوكم زلزال الرعود

الموضوع الأصلي: اعلم ترا الجزعه تهز الرياجيل | | الكاتب: زلزال الرعود | | المصدر: شبكة بني عبس