[فيصل المظيبرى]

[POEM="font="Simplified Arabic,5,indigo,bold,normal" bkcolor="transparent" bkimage="images/backgrounds/1.gif" border="double,10,black" type=2 line=0 align=center use=ex num="0,black""]الله يبيض وجهكم يالخيارات=ويظلكم يوم الحشر فى ضلاله
ياهل الزعامه والوفا والمروات=واهل الشهامه والنقا والجماله
ياللى لكم فى حزه الضيق وقفات=يوم الردى عنها ثنى الخوف حاله
وياللى وردتم بالحبال الطويلات=يوم بعض الناس قصرت حباله
تظفى على مساعد ردون المسرات=وتبلغه يالله بأصغر عياله
صوتك يابوفيصل شعى كل الاصوات=لادوده لذود القصيد وحداله
أنت الزعيم اللى تزعمت الابيات=شعرك الحال وشعر غيرك الحاله
صادق ومن جودك لنا فيك هقوات=مثل السحاب اللى صدوق خياله
منك الوفا يرسم حدود المسافات=ويصافحه كف الندى فى وصاله
لك فى قلوب الطيب نبض ومساحات=ولك عن علوم العيب سلم الجهاله
من همتك ندرك كبار المهمات=عن طيحت البسام والا عقاله
ومن وقفتك ياشامخ الراس والذات=ميزت طيب اللى قعد من خماله
حشمت فى حضورك نفوس عزيزات=وحفظت ماء وجه الحيا والزماله
أقولها واعيدها عشر مرات =من هاجس يجوز له ماطراله
مال الحميا ألا زبون الثقيلات=ولا لشكاله غير راعى الشكاله[/POEM]

الموضوع الأصلي: زعل الرشيدى ومساعد الرشيدى حصريا للشبكه جديد | | الكاتب: فيصل المظيبرى | | المصدر: شبكة بني عبس