[نشمي الرشيدي]

[POEM="font="Simplified Arabic,5,black,bold,italic" bkcolor="transparent" bkimage="./images/backgrounds/4.gif" border="none,4,gray" type=1 line=1 align=center use=ex num="0,black""]ماظن حب الخشوم يغير الماضي = أشـياء تعـقد خواطرنا ما ننساها
كد صلحت بالحنايا خطوطٍ عراضي= مجنون من قال حب الخشم يمحاها
وبالذات لاجت من اللي يعتبر قاضي = رجـل يعـرف الحـدود اللي تعـداها
ماكل من غلط طاح برجل متغاضي =ولاكل كلمه تقول السمع موحاها
وأن كان توجد عقول تصاب بامراضي = الله منحنا طريقة صرفت ادواها
حنا لنا حـض مثل الـبرق لاناضـي = يسـعى لنا بأول الدنيا وبـتلاها
ومهما يشح الزمان ومصرفي غاضي = نموت في عز والهامات مرخاها
ونمد مد الكرام اللي لهم ماضي= وناصل مواصيل كثر اللي تمناها
ونفوسنا تشوم عن نزلات اللافاضي= و الدين والجار والخوه ماننساها
رفيقنا عـن جمـيع اسلوبنا راضـي = وحدودنا من طمع فيها مايقواها
وكل الرجاجيل دون حقوقها تحاضي = والطيبه ترغب الطيب وينصاها [/POEM]

الشاعر/نشمي دغيمان الرشيدي

الموضوع الأصلي: حب الخشوم | | الكاتب: نشمي الرشيدي | | المصدر: شبكة بني عبس