إقتباس:
اقتباس من مشاركة
حجاج العريض 
الصبرطال وشاب راسي من الغيض
والوقـت قاسـي والمسافـه كليفـه
والجرح مايحمل مع العسر تخفيض
والخافي اقـوى مـن وقودالقذيفـه
مافات مات ولا مع الوقت تعويـض
والمنتظر عانـق ربيعـه خريفـه
ياشاطره مالي على الوقت تفويـض
قدمي خفيـرٍ معتمـد مـن عريفـه
لوما علي صالح طرد سالم البيـض
يمكن حمد يرضـى بعـودة خليفـه
مثله علينا نقض الأ مـر تنقيـض
والخصم قاضي والعدالـه ظعيفـه
ورحنا بسلة مهمـلات المعاريـض
محدن عرف منّا البطل من وصيفه
نطرد سراب البيد في ساقة القيـض
وتطري على البال ابتسامة لطيفـه
{ الشاعر حجاج العريض}
-----------------------------
صح لسانك وبيض الله وجهك على هذي المعلقه الرائعه وسددالله خطاك وسالله لك الهديه وطولة العمر