عبدالباري
سلام من هاجس ٍ طيره مطاليـق ٍ سبوقـه=مايلحقه لاكفخ بالصـدر خفّـاق الجناحـي
وين انت يالشاعر اللي شعر هاجوسه يشوقه=نبيـك هالليـل تسهـر ماتهنـا بالمراحـي
الشاعر
يا مرحبا من هجوسن تعطي العاقل حقوقه=عداد وبل المزون اللي تنطحها الرياحي
حاضر معك وانت سوق القاف يا رجال سوقه=والله يزين مع اهل المعرفه كل النواحي
عبدالباري
فيك البقا ياعميل ٍ ما يبوق اللي يبوقـه=طير ٍ نداوي يسمونك من اطيور الفلاحي
يالشاعر اثقل ترا رجليك بالممشى سبوقه=يازين ممشى الركاده للرجل فوق البراحي
الشاعر
زين هرج الولد لصارة اهروجه صدوقه=ويا شين هرجه لصار يخالطه مثل المزاحي
ليا بغيت احرمك عشاك والله ماتذوقه=واليا تسامحت من طبعي ومذهبي السماحي
عبدالباري
عسى تساقي ضما الشاعر هماليل ٍ حقوقه=لين أن كبده تروّ ا من شهاليـل ٍ قراحـي
مادام يوجد معك مدخال. ضيفك وش غبوقه=خلك سموحي عليه تكسب اجري وارتياحي
الشاعر
انت مؤدب لانك عشت مع عالم خلوقه=طبعك مثل طبعهم لو ضقت يا تيك انفساحي
يسكن ويرقا على عالي جبل شامخ شهوقه=وان مازحه وان حذفله بالضلام ام ضيم ضاحي
عبدالباري
وأنته مطوّع ومطلاعك على وادي خنوقـه=ماتسمع اذنيك فيها لاالمنادا ولا الصياحـي
كل ٍ يعبّر لخلق الله علـى مايحـب ذوقـه=القدر وش فيه من وقده على الاطراف فاحي
الشاعر
يا الخيال اللي سرى ليله تكاشف به بروقه=انثر الما لين يبديلك تشعشاع الصباحي
ويا الحلوق اللي تذوق الما وبالحبل مخنوقه=مايبين بالولد غير الصياح او النكاحي
عبدالباري
انا خيال ٍ هبوبك لـو تهبهـب ماتعوقـه=اوده لها وانت يراعي الغنم صدر وتاحـي
الطير مهما ارتفع نجم الجدي وسهيل فوقه=وان صاح صياح ما نسمع مكثرت النباحي
الشاعر
بلغ اللي كل ليله بالشعيب يسوق نوقه=مايفك البل يا غير اللي تحيزم بالسلاحي
وبلغ اللي يعتزي والدم يسبح من فلوقه=ديرته صيطر عليها الشيخ بعد الاجتياحي