جـيت كلك غلا والود يضحك بنابه=وغصـــ(ن)الاشواق مابين المحاني يميل
وفاح ليلي عطر وأغرق بعطرك ثيابه=من لمع نور وجهك صار كلش جميــــــل
وأمسح من وجه حزن الصدور الكأبه=لهفت الشـوق بعيون المشاعر د لـيـل
والهجوس الي من اول عليه عصابه=لاذبك عن شقاها لقلب مثل الدخيل
وانت للقلب ياصدق الا حاسيس لابه=وعن هجيرالزمان لنبض قلبي مقيل
تعرف القلب غيرك بالغلا مادرابــه=حسبي الله على العاذل ونعم الوكيل
صار من بيننا رمحه وشذرت احرابه=ماشعر بالهوى والحب لنه عـلـــيل
والزمن ياحبيبي لو ومنا إنقـــلا بــه=كل يومـــــــ(ن) يحط وكل يومن يشيل
كل مالاح برقـ(ن) للوصل بالسحابه=قلت جعله كريم ورحت اوقف واخيل
وامطرالحزن وجتاح النواظرضبابه=وإنفجر صمت حبري بالقصائد يسيل
وضعت بطلال وقتي بين ضيق وصبابه=وبين بكره يصير وبين لا مستحيل
وكل ماتقسي الا يام زدت بصلابه= ورحت ادور عن شعورالتشأم بديل
وكان قلبي هنا مدري من الي سرابه=مااذكره لي خوي والا ذكره لي زميل
راح خلسه وأنامدري بسرقه إنهابه=وصرت مابين شمعات الغلا والفتيل
ماشكيت لصحيب ولا شكيت القرابه=لن قلبي عزيز ولا بعرقه ذ ليل