السلام عليكم ورحمة الله وبركاته
خواني الافاضل اقدم لكم المحاوره التي جرت بين الشاعرين العملاقين
الشاعر الكبير عبدالله عوض الاشرم....والشاعر الكبير ناصر مرسال الخياري
حصريا على شبكة عبس وذالك يوم الاربعاء الموافق13/8/1427
الساعه العاشره ليلاً واتمنى ان تحوز على حسن رضاكم وستحسانكم
مشكورين
عبدالله الاشرم
توكل على الله يازعيم الخيارات=ومن دق بيبان العرب دق بابه
انا خابرانك تكتم السر بسكات=وسرك ثمان سنين محدن درابه
ناصر مرسال
على الله توكلنا رفيع السمـاوات=عبر منتدى عنتر زعيم الحرابه
نبيها على روس الجبال المنيفات=ترفع عن الطامن ترى مالنابـه
عبدالله الاشرم
انا عارفـن عرعـر واعـرف القريـات=ديـارآ عليهـا خـلـت بــرق السحـابـه
وانا اخاف هرجك مثل هرج المجلات=وتطـرح سـؤالـك ثــم تكـتـب جـوابـه
ناصر مرسال
تخيرت عرعر والقريات بالـذات=على شان الاسما من بعضها تشابه
الاخبار تنشر عبر شاشة عربسات=ولا عاد للقرطاس قـدر ومهابـه
عبدالله الاشرم
غزوك اللصوص مفرقين الجماعات=ضعاف النفوس مسوديـن الكتابـه
دخلنا بعصـر العولمـه والقنـوات=وحتى الحديقه جوفها ليـث غابـه
ناصر مرسال
انا ما علي من الشلل والعصابات=لو الصبح شلة والعشيه عصابـه
للايام سر وللقيامـه علامـات=ذكرها ذكرها الله بمحكم كتابـه
عبدالله الاشرم
ياكم حي لاكن شي من ضمن الاموات=حـظــوره بهـدنـيـا يـســاوي غـيـابــه
ابا اوصيك بالتقوى وخمس الصلوات=ودنـيــاك مـاتـسـوى جـنــاح الـذبـابـه
ناصر مرسال
يقولون مات ابليس وابليس ما مـات=ابو حظ (ن) اعوج مثل قوس الربابه
حديثك يزلزل في جبال السـراوات=عسى الله يفك جبال مكـه وطابـه
عبدالله الاشرم
ترى اللي عصى ربه وخان الامانات=تحول من الجنـة وواجـه عذابـه
حديثي مثبت كنـه جبـال ابانـات=ونهجي على نهج النبي والصحابه
ناصر مرسال
زيود اليمن محد (ن) حسدهم على القات=ليا خزّنـو عقـب العـدس والقلابـه
ترى للبـرد فـوق المراقيـب زخـات=ويموت المنافـق قبـل تنشـف ثيابـه
عبدالله الاشرم
زيود اليمن معهم قطعنا العلاقات=ومن مابراسه عز وش ينبغابـه
انا خايفآ بكره تجيب المطمـات=وتخطي على خنذف وتفرح شبابه
ناصر مرسال
اشك انهم (يتبادلـون) الزيـارات=وانا وانت ما غير الزعل والطلابه
ما دام اليهود يدمرون المطـارات=سفير الرضا والغيظ يا مرحبا بـه
عبدالله الاشرم
عثرنا على كل الادله والاثبات=وكلامك صحيح ولاعليهم رقابه
الا يازمان الهيلمه والدعايـات=وجنود اليهود بيت كله خرابه
ناصر مرسال
انا ما دريت انك قريت السجلات=وابو ناب مدري كيف شاهدت نابه
سلام وتحيـة والنوايـا سليمـات=ترى كلها ما غير ضحك ودعابه
وسلامتم