[ابن حيان]

اقتباس من مشاركة الأديب أخي أبو ناصر أشكر مرورك الجميل واهتمامك...... ولعلنا نجد معلومات من الأخوان عن هذا الشاعر الكبير فشعره رحمه الله يتصف بالحكمه والجزاله وقوة السبك ومتانة المعنى أذكر قصيدة قديمه له وسوف أورد ماأحفظه منها عديت راس ملومح من هبالي=.راس الطويل اللي عسيراً امعداه ..................................... اقنب قنيب اللي لقى الجو خالي =قنيب ذيب خاليات شواياه على عشيراً يوم دنا الرحالي = تصرماً بيبان قلبي من اقصاه فيه جلاده لين طوى وشالي = وزريت انا لاقوم وايتي ولانباه هرجه حلا من در عرباً متالي = وهرج العرب غيره على الكبد ماذاه والله يلولا بن هدف الدلالي = وعضماً ليا ماغاض عوده مليناه قم سو فنجال على شف بالي=يصبغ على كف الخراعيب من ماه واحمس على جمر عقاب اشتعالي=لما تبش من العرق تقل مسقاه وبهر بهيل لو مشاريه غالي=والرزق عند اللي على الناس حسناه وصبه بدلة محتمين التوالي =شامية دايم على الجمر مركاه دنياك هذي مقتفيها الزوالي=جميع ماقالوا هل العلم شفناه

هذي نبذه وهي غير مرتبه ونا اعرف واحد حافضها كامله