بسم الله الرحمن الرحيم
السلام عليكم ورحمة الله وبركاته
اقدم لكم هذي القصيده
وامل ان تحوز على رضاكم
صفر خمسه خمسـه واحـد صفـر=ثمانيه فراغ فـراغ تسعـه اثنيـن
رقم ٍ اذا شفة على الشاشـه انبهـر=يستانس الاحساس من نظرة العيـن
من زود شوقي يختلف وزن النظـر=اضيع بين خمسه وخمسه وصفرين
رقم الحبيب اللي له القلـب ينتظـر=لصوته المبحوح تشتـاق الاذنيـن
في ذبذبة صوته تقـل رشـة مطـر=والجوهادي واللي بحوالـي نايميـن
هادي هدوه لحضـة ٍ قبـل الفجـر=قبل الفجر قبل الفجر فـي ساعتيـن
كن السوالف ريحها مسـك وعطـر=وكن الحروف تفوح عود وياسميـن
اشمها واغـوص فـي غبـة بحـر=وسبح بحر وضيـع بيـن الغبتيـن
واليا طلبني مـن جديـدي بالشعـر=اقول في نفسى عسى ربـي يعيـن
انطق شطر وانسى شطر واذكر شطر=وحيان اقفـل ماهرجـت بكلمتيـن
مدرى صحيح او حب او أنه سحـر=احد الثلاثـه واحـد ٍ منهـن يقيـن
غيابنـا طـول وكمـل لـه شهـر=شهـر وحنـا المبعديـن المقربيـن
طول الغياب اعيش في برد وجمـر=اعيـش بيـن الريحيـن الرجعيـن
ان جيت انا ملهوف اشوف احلا قمر=وانرحت انا صابرعلى مـر ااسنيـن
مال الفرج مفتـاح ياكـود الصبـر=ومال الصبر غير الفرج ياصابريـن