السلام عليكم ورحمة الله وبركاته
من أرشيف المحاورات الخاص بشبكة عبس
يسعدني ان اقدم لكم هذا الملحق للموضوع
وهي محاورة لازالت بالذاكرة
قد يكون الشاعرين تركوها لادراج النسيان
ولكن لازلنا نتذكر وندون
أمل ان تنال استحسانكم
هذه مقتطفات من محاوره جرت بين الشاعرين الشاعر محمد ابن طمحي العتيبي
والشاعر ناصر صويان الرشيدي .. في محافظة شروره عام 1417هـ.
بمناسبة تعيين مسؤول بالقوات المسلحة من قبيلة عتيبة في محافظة شروره
وكانت الحفله برعاية الشيخ ( ابو جبر.. ضيف الله صنهات العتيبي )..
وكان من ابرز فرسان هذه الملعبه
الشاعر محمد ابن طمحي الذيابي
والشاعر عايض ابو رجيله الثبيتي
والشاعر ناصر صويان الشويلعي الرشيدي
والشاعر ثويمر الروقي العتيبي
======================
كما حضر عدد من شعراء المحاوره والنظم .. وكانت الحفله من افضل الحفلات
التي اقيمت في المنطقة بحضور هذه النخبة من الشعراء..
واليكم بعض من ابيات المحاوره
يقول الشاعر ناصر الرشيدي :
ياهل الوفاء والكرامه ياثقات الرجال=سلام ردية ٍ توفي مطاليبها
اللي معه عرف يامحمد معه وسع بال=وحنا ضيوف ٍ تحت حكمة معازيبها
قال محمد ابن طمحي :
اعداد مبدأ النجوم وعد مبدأ الهلال=ضيوفنا من ظمايرنا نهليبها
انته من اهل اليمن والا من اهل الشمال=لحيث بعض العرب قشر ٍ هناديبها
قال ناصر الرشيدي :
لعل فيك البقا والشمس غير الظلال=واشيب عينك من الايام واشيبها
انا من اهل الشمال اهل الكرم والفعال=وانت تعرفها مكملتٍ مواجيبها
قال محمد ابن طمحي :
يوم الجزور اجزروها اهل الوفاء والكمال=قسمك طلع راسها والا عراقيبها
اسمع نصيحة عتيبي(ن) تكلم وقال=لاتعترض للصقور ولا مخاليبها
قال ناصر الرشيدي :
قسمي سنام المطيه وانت روح وتعال=هذا مرد الوصايا اللي توصيبها
اسمع نصيحة رشيدي(ن) يروي السلال=لاتعترض للرجال ولا مشاعيبها
مع خالص التحية والتقدير
اخوكم ومحبكم
عيد بن عبيد