[صادق الوعد]

قال الشاعر .. حميد بن فحيمان هذه القصيده عندما تذكر أمراء قبيلته

وهم فرسان في وقت طعن القبائل

[FRAME="4 70"]
[POEM="font="Simplified Arabic,5,blue,bold,normal" bkcolor="transparent" bkimage="" border="none,7,green" type=2 line=0 align=center use=ex num="0,black""]أمس الضحى عديت راس المشاريف = لجت ضلوعي والصناديق لجن

قمت أتفطن والتفطن تحاسيف = وأبديت قاف من ضميري على فن

قم يابو شايم شرف النجر تشريف = جعل الليالي السود عنك أيتناحن

ترا الليالي ما عطني على الكيف = أخفن هموم القلب عني يخدن

هات الدلال المكرمات المهاديف = يشدن بكار للشياع يتوحن

أربع دلال عايزت التوصيف = من الحسا والامن الشام واردن

ربوعنا تطرب لياجاهم الضيف = ذباحت الخرفان لو كان غلين

وكم واحدن ضاقت عليه المحاريف = عانوه يوم ان الليالي يشينن

وبالدور الأول يوم غزو ومناكيف = جموعهم تاطا الخطر ما يتدرن

عدن وراء سمران ذيب المواليف = قطاع عذباتي على أسبوع يردن

كان الطلب لحقوا جموعن مراديف =تحتمي جموعه والجواري يصيرن

سرور شق ام الثمان المراهيف = ذبح جميع السبق اللي يغيرن

والفارس اللي خوف الناس تخويف = قطع نماه بولة ما يردن

تنحرن شالح مهارن طواخيف = ولا ظنتي عقله تقل قرقعة شن

راحن قلايع عقب حايف وتحويف = خلا عجايزهم عليهم يصيحن

وأيام يومن النخل به خراريف = شليويح خلا أكثر نساهم يدجن

روعهن المسطور يوم أطلع السيف = خلا الجنون اللي يغيبن يحضرن

فعول عقب ذياب ما هي تصانيف = طقوا بهرجي كان ماهو مبرهن

صلاة ربي عد مايبرق الصيف = على النبي كل الفرايض يصلن [/POEM][/FRAME]

الموضوع الأصلي: قصيده لشاعر حميد فحيمان الذيابي | | الكاتب: صادق الوعد | | المصدر: شبكة بني عبس