السلام عليكم ورحمة الله وبركاته
أضع بين ايديكم هذه الابيات لشاعر المحاوره والنظم راضي بن غالي القعبوبي:
لاتتصل ماله لزوم اتصالك=حتى الرسايل خاطري طاب منها
انا ادري ريّح البعد بالك=من يوم حالي سرك البعد عنها
رحلت عن قلب(ن) سكنته لحالك=اربع سنين(ن) وانت تامر وتنها
واقول لك ماعندك إلا حلالك=وانت الوحيد اللي حياتي سكنها
واللي بدالك تحسب إنه صفالك=والله لتبطي راحتك ماضمنها
لكن مسامح جمل الله حالك=غلطة عمر حبك وانا ادفع ثمنها
لشاعر :
راضــي بن غالي القعبوبي